انا من يوم ما اتجوزت وجوزى كارهنى مش بيطيق يبص فى وشى انا بحبة اووووى انا طيبة اوى وعلى نياتى يمكن دة اللى مخلية يكرهني هو لمحلى بكدة بس هل دة سبب يخلية ما يطقش يبصلى انا بحاول ارضية بكل الطرق وهو عارف انى بحبة وبيحس انى ملهوفة علية وبخاف علية اوى ومع كدة كرهه ليا بيزيد انا كتير اترميت في حضنة وعيطت وقولتلة انا بحبك ومحبتش حد قبلك انا فتحت عينى عليك
لقيتة زقنى وقالى ييية على الاسطوانة المشروخة دى وقام وسابنى وانا بحبة ومش عارفة اكرهه بحب ابصلة بحب نفسةبحب اشم ريحة هدومة بحب ريحتة بحب صوتة لما ايدة بتلمس ایدی بحس انى قلبى بيدق بنسى الدنيا كلها وانا في حضنة ولو زعلانين بمجرد لما يكلمنى بنسى انى زعلانة عايزاة طول الوقت جنبى نفسى يفضل قدامى ليل ونهار لما بيخاصمنى يبقى مش طايقة نفسى وبتعصب على العيال ولما بنكون كويسين ببقى مبسوطة وحاسة انى مش ناقصنى حاجة بحس انى مالكة الدنيا امبارح قولتلة انت لية
ما بتحبنيش لية بتبعد عنى كل ما اقربلك قالى رد صدمنی قالی اصلا بصراحة بقرف منك قولتلة بتقرف منى قالى اة بيقرف يبوسنى مع العلم انى احلى منة بكتير انا بيضا وهو اسمر اوى وكل اللى بيشوفنا يقولى انتى احلى بكتير انتى بتحبية على اية انا مصدومة من ساعة ما قالى كدة بيقرف منى لية هو الكرهه ممكن يخلية يقرف منى وما يطقش يبص فى وشى فعلا انا بهتم بنفسى على قد ما اقدر .. ومش هقدر اتطلق لان مفيش مكان اروح اقعد فيه وهو معايا بس علشان خاطر العيال وعلشان يطلقني قالي اتنازلة عن كل حاجه
وحتى العيال ومش عارفه اعمل ايه بجد
اليكم بعض التعليقات
الله يارب يكون في عونك وخليكي قويه عشان أولادك وربنا يصلح الحال يارب
Reply3w
Top fan
Wefky Fikry
·
بتر النعمة.
سبحان الله ومن الناس من يعطيه الله نعمة عظيمة وجحود قلبه يعميه عنها.
اللهم ألف بين قلوبهم واهدي لها زوجها واسعدهم بما يسرهم
Reply3w
Top fan
رويحة الجنه
يالهوي معقوله واحده بتحب واحد الحب ده كله وهو مبيحبهاش ويقرف منها
طب اقولك علي حاجه اهتمي بنفسك ونضافتك ونضافه بيتك وعيالك
وبطلي اهتمام بيه وهيتعدل اتعاملي معاه وجوده زي عدمه
Reply3wEdited
Aya Osama
حبي نفسك اولآ. وثقي بنفسك وطنشيه و صدقني هيتغير حسسيه أن في حياتك أولويات غيره حبي نفسك
Reply3w
عصام الشاذلي
بعض النظر عن كل الحاجات الحلوه دي واضح أن بينكم فارق في الشخصيه كبيير حاولي تتعاملي معاه بشخصيته البسيطه لان فعلا محدش بيحب حد يسيطر عليه في كل حركه ونفس بالطريقه دي حتي لو أمه بيتمرد في ناس بتحب التوازن في الأمور والهدوء والجلوس منفردا وقليل الكلام فطبيعي لو شخص بالطبيعه دي هاينفر منك أومن غيرك أومن اي حد فرجاء الاعتدال
Reply3w
Top fan
Nedjet Norelhouda
أكيد لازم يعمل كده لأن القط بيحب خناقو، اهمليه و ما تسأليش فيه و لا تهتمي به أكيد لا أقصد الإهتمام الطبيعي من أكل و غسيل و نظافة لكن معنويا تجاهليه حتى و لو بتموتي فيه حاولي ما تبينيش أنك مدلوقة عليه، هتشوفي العجب هيلاحظ الفرق و يحاول يعرف سبب تغيرك اهتمي بنفسك و بأولادك رايح يغير عليك
Reply3wEdited
Top fan
Asmaa El Massrey
يبقي تهجريه وتقوي قلبك لانه ميستهلش انك تكوني كويسه معاه حبي نفسك وعززي نفسك
Reply3w
Top fan
دنيا عبد الله
لسة كنت بقرا جملة عجبتنى اوى
القطة بتحب السمك بس عمرها ما نطت فى البحر عشان تاكله
القطة عندها وعى والانسان لاء المقصود ياحببتى انك تعتدلى فى حبك وفى الاول تحبى نفسك وتخلى عندك ثقة فيها واهتمى باولادك وتتجاهليه خالص وفترة هو هيسال نفسه وبأذن الله الامور تتصلح قربى من ربنا لان ربنا بيغير على عباده لما ينشغله بغيره
Reply3wEdited
Top fan
محمد حلمى عبدالجواد
يارب الصبر من عندك يا كريم
Reply3w
Rada Ameen
ولاد الأصول نصيبهم من العرر ربى يصلح حالك لما يحب ويرضى ويختارلك الخير ويراضيكى اتقلى عليه واهمليه
Reply3w
Mervat Mostafa Makady
اتقلي عليه شويه وطنشيه جربي طالما الاهتمام والحب مش نافع معاه وركزي مع ولادك دول أكيد اغلي حاجه علي قلبك مفيش اغلي من الضنا مهما كان مين
Reply3w
Sameh Elgarieb
لا حول ولا قوه الا بالله
ربنا يهديه ويصلح ما بينكم
النظافه الشخصيه
و نظافه المنزل
ممكن يكون السبب ........
Reply3w
Top fan
عبدو الحسيني
لا حول ولا قوه الا بالله العلي العظيم
Reply3w
Hend Ismail Mohamed
حسبنا الله ونعم الوكيل
Reply3w
Menna Tullah Mahmoud
بصي القط بيحب خناقه ......نصيحه مني تجاهلية وحسسية ان مش فارق معاكي ف الاول هيستغربك بعدين هيتضايق ويبدأ يستفزك باي حاجه وانتي خليكي هاديةةة خالص واتصرفي معاه باللامبالاه واهتمي بنفسك وبعيالك وحقيقي هو اللي هيجيلك لان فعلا اي حد بيبقي ضامن اللي قدامة بيجي علية .....
ربنا يراضيكي ويجبرك يارب ♥️
Reply3w
Sara Soliman
اتجاهليه واهتمي بنفسك؛
Reply3w
Mostafa Eldeep
ربنا يهديه يارب
Reply3w
Amr Rizk
وجعتى قلبى ربنا يعينك ويصبرك على ما ابتلاكى
Reply3w
Nahla Bella
كده كتير رحمتك بينا يارب
Reply3w
Top fan
ام بسملة ام بسملة
صلى وادعيلو
Reply3w
أم كريم
انتى عندك كام سنه
Reply3w
Salwa Khalaf
Bosy Khalaf
Reply3w
Top fan
Mohamed Elameer
ربنا يهديه
Reply3w
Ghada Elhadad
!
Reply3w
Top fan
راجي عماد الدين
من الأخطاء التي تقع فيها زوجات كثيرات
شدة تعلقهن بأزواجهن إلى الحد الذي يعانين فيه الأمرين وتسوء حالتهن النفسية والذهنية، وقد تتعطل حياتهن بشكل كامل إن غابوا عنهن لأي سبب، إذ يربطن سعادتهن بوجودهم بجانبهن، الأمر الذي قد يدمرهن لو فقدنهم بسبب السفر أو الوفاة أو الطلاق! ولهؤلاء أقول/ينبغي لكل زوجة أن تفتح لنفسها آفاقا وطرقا أخرى للسعادة والانشغال بعيدة عن زوجها، كأن تحفظ القرآن وتنهل من العلوم الشرعية وتهتم بأولادها وتثقف نفسها بالقراءة والاطلاع من أجل رعايتهم خير رعاية،وكأن تمارس هواياتها المفضلة أثناء غيابه أو تقوم بأعمال خيرية لو كانت قادرة ماديا ولديها فائض من الوقت، وتصل رحمها وتتواصل مع صديقاتها اللائي يكن عونا لها على الطاعة وفعل الخيرات.. إلخ.
فأبواب السعادة في هذه الحياة كثيرة لمن أراد أن يطرقها، ومن ظلم المرأة لنفسها أن تختزل سعادتها في وجود زوجها الذي يفهم هذه الحقيقة ولا يعلق سعادته بها ويفتح لنفسه أكثر من باب، ليشعر بالاستقرار النفسي والتوازن وغير ذلك من الأمور التي تحفظ له سلامة حياته.
أيتها الزوجة/أحبي نفسك وأسعديها كما يفعل زوجك واستغني بالله عن العالمين ولا تنشغلي بزوجك إلا في الوقت الذي يكون فيه معك، لترتاحي وتريحيه.
فاسعدي نفسك به في حال وجوده معك في البيت بحسن التبعل له وتلبية رغباته العاطفية والجسدية، وكوني له نعم الزوجة والصديقة والحبيبة، وأدي واجباتك نحوه على أكمل وجه، لتسعدا وتنعما بالاستقرار والمتعة والحب.
وفي حال غيابه بخاصة لو كان عمله يبعده مدة طويلة عن البيت اعملي بكل دأب على أن تكوني سعيدة أيضا بطرق أخرى تحققين من خلالها ذاتك وتشبعين رغباتك الفكرية سواء بالقراءة في مجالات مختلفة..
ربنا يصلح حالك.
Reply3w
Top fan
Malk Atef
·
طب ما تسأليه بيقرف ليه
يعني قرفان من طريقة تعبيرك عن مشاعرك له وملاحقتك له لدرجة أنه حاسس أنه مخنوق وقرفان ومش مدياه فرصة يتنفس منها ..
ولا قرفان بسبب مشكلة في عدم نظافة أو ريحة كريهة أو شكل أسنانك ..
إذا عرف السبب بطل العجب ..
فاذا قرفان بسبب حصارك له تحت بند الحب هنا تبدأي تقللي اهتمامك بيه وتسبيه من غير الضغط اللي عملاه عليه
أما إذا كان قرفة بسبب مشكلة سواء نظافة أو شكل معين أو ريحة كريهة تبدأي تعالجي نفسك فورا وتهتمي بالجزئية دي عشان مسببة نفور ناحيتك ..
حاجة أخيرة متخليهوش هو كل إهماماتك ومحور حياتك عشان لا قدر الله لو فقدتيه تلاقي الدنيا فضيت عليكِ .. اشغلي نفسك بحاجة مهمة تتعلميها خلي لكِ هدف في الحياة وليكن ولادك وتربيتهم وتعليمهم .. متتعلقيش بيه تعلق مرضي .. لأن الله يغار على قلب عبده إذا تعلق بغيره فيذيقه مُـر ما تعلق به.
Reply3wEdited
Top fan
Marwa Mostafa
ما تزعليش مني انتي رميتي نقسك عليه اوووي واديتيلوا قيمه وحجم اكبر من حجموا والاهميه الزياده خالتوا ينفر منك الحل انك ماتعبرهوش غيري معاملتك ليه 180 درجه وبمنتهي الهدوء ومن غير كلام ولا تقولي ولا كلمه اعملي وانتي ساكته غيري معاملتك تماما وانتي قعده ف بيتك وسط عيالك وبهدوء
مشكلة اخرى
السلام عليكم
حصل مشكلة بيني وبين مراتي احنا متجوزين من ٤ سنين ومفيش أولاد حملت مرتين اول مره اجهضت من الشهر الثالث وتاني مره الطفل مات في بطنها كان عدت السادس
المهم اهلي زنوا عليا خاصة ماما لاني نفسها تشوف ولادي وخلوني اتجوزت واحده تاني مطلقه معاها بنت بس من غير معرفت مراتي لانها كانت غضبانه هي كل شوية بتزعل وتروح لاهلها بالشهرين والتلاته المهم رجعتها ومردتش أطلقها زي اهلي كانوا عازين لان مفيش اي حاجه تربطها بيا بس انا لم اوافق على طبلهم وبعد شهر من رجعوها عرفت بجوزاي وزعلت كمان مره وسايبه البيت من قبل رمضان ودلوقتي اخوها بيكمني يشوف الوضع ده هيستمر لامتى قولته خلاص مينفعش نعيش مع بعض تاني وانا شيلتها من دماغي لأن ديه مش بتاعت عيشه المهم قالي ديه حامل وماشيه في الرابع
وهي كمان عاوزه تطلق وعاوزه المؤخر وقايمتها قولته انا طلما حامل مش هطلق او تروح ترفع خلع وتتنازل وتطلق
انا طبعا قولته كده لاني كاتب مؤخر كبير والقايمه كمان بملبغ كبير جدا ومش عارف دلوقتي اروح اقولها ترجع تعيش علشان لو ربنا كمل حملها الطفل يعيش معانا ولا اسيبها ترفع زي ما هي عاوزه ولا اعمل ايه محتار وذهني مشتت ومش عارف افكر